პროფესიული მომზადების პროგრამის კურსდამთვრებულთა სერტიფიკატების გადაცემის ცერემონია
სსიპ - კოლეჯ „გლდანის პროფესიული მომზადების ცენტრში“ GIZ-ის მედიატორობით შემუშავებული პროფესიული მომზადების პროგრამების: „ალუმინისა და მეტალოპლასტმასის კარების, ფანჯრების, მზის დამცავი სისტემების მონტაჟისა“ და „მსუბუქი ავტომობილების დიაგნოსტირების“ კურსდამთვრებულ მსმენელთათვის სერტიფიკატების გადაცემი ცერემონია გაიმართა. ღონისძიება კოლეჯის დირექტორის ნოდარ ხარაზიშვილის მისასალმებელი სიტყვით გაიხსნა. მან მადლობა გადაუხადა ყველა ჩართულ მხარეს პროფესიული განათლების განვითარებაში შეტანილი წვლილისთვის. პროგრამები, რომელიც გერმანიის საერთაშორისო თანამშრომლობის საზოგადოების (GIZ) მხარდაჭერით შემუშავდა და პროფესიული უნარების სააგენტოს მიერ დაფინანსდა, შრომის ბაზრის მოთხოვნების შესაბამისი პროფესიული უნარებითა და ცოდნით აღჭურვილი კადრების მომზადებას ითვალისწინებს. პროფესიული უნარების სააგენტო • Skills Agency Georgia პროფესიული უნარების სააგენტოს ზრდასრულთა განათლების მიმართულების მენეჯერი ანა შენგელია მიესალმა კურსდამთვრებულ მსმენელებს და მათ კარიერული წინსვლა უსურვა. საქართველოს განათლების, მეცნიერებისა და ახალგაზრდობის სამინისტროს წარმომადგენელმა თამარ სიბოშვილმა პირადად მიიღო მონაწილეობა სერტიფიკატების გადაცემაში და სამინისტროს სახელით, მუდმივი მხარდაჭერა გამოუცხადა პროფესიულ საგანმანათლებლო დაწესებულებას პროგრამების შემუშავებასა და სწავლა-სწავლების პროცესში. პროფესიული მომზადების პროგრამის განხორციელებაში განსაკუთრებულად წარმატებული აღმოჩნდა კოლეჯისა და კომპანია „დიოს” კოლაბორაცია. ღონისძიებაზე მოწვეულ სტუმრებს შორის იყვნენ კოლეჯის პარტნიორი კომპანია _ შპს „დიოს“ წარმომადგენლები, მათ შორის, თანადამფუძნებელი და აღმასრულებელი დირექტორი თამაზ დაუშვილი. ხაზგასასმელია, რომ პროფესიული მომზადების პროგრამის „ალუმინისა და მეტალოპლასტმასის კარების, ფანჯრების, მზის დამცავი სისტემების მონტაჟის“ პრაქტიკული კომპონენტი განხორციელდა სწორედ შპს „დიოს“ ბაზაზე. Dio . დიო ვიზიტის ფარგლებში, გერმანიის საერთაშორისო თანამშრომლობის საზოგადოების (GIZ) GIZ Alumni Georgia წარმომადგენლებმა დაათვალიერეს გლდანის პროფესიული მომზადების ცენტრი მოქმედი ლაბორატორიებითა და სახელოსნოებით, გაეცნენ მიმდინარე პროფესიულ საგანმანათლებლო და მომზადება/გადამზადების პროგრამებს, დაინტერესდნენ რეგისტრაციის პროცედურებითა და სტატისტიკით. წარმოდგენლებს შორის იყვნენ GIZ პროექტის მენეჯერი იზაბელ რაპპი. პროგრამის ექსპერტი მარიკა ზაქარეიშვილი და სხვები. გერმანიის საერთაშორისო თანამშრომლობის საზოგადოება (GIZ) აქტიურად განაგრძობს კერძო სექტორის წარმომადგენლებთან პროფესიული საგანმანათლებლო პროგრამების ერთობლივი განხორციელების მხარდაჭერას და პროექტის „პროფესიული განათლება საქართველოს ეკონომიკის მზარდ სექტორებში” ფარგლებში, რომელიც მხარდაჭერით გერმანიის მთავრობის დაფინანსებით მიმდინარეობს სხვადასხვა აქტივობების განახორციელებს. დღის წესრიგით, მოწვეულმა სტუმრებმა დაათვალიერეს კოლეჯში არსებული „რობერტ ბოშის“ რესურს ცენტრი, რომელიც აქტიურად გამოიყენება სხვადასხვა პროგრამების განხორციელების პროცესში. პარტნიორობის ფარგლებში, კომპანიის წარმომადგენელი - ალექსანდრე დოლიძე დაესწრო ღონისძიებას და კოლეჯთან თანამშრომლობის გაგრძელებაზე მზაობა გამოთქვა.
