კოლეჯის სიახლეები

აზიის განვითარების ბანკი

2022 წელს სსიპ - კოლეჯ "გლდანის პროფესიული მომზადების ცენტრმა" აზიის განვითარების ბანკის წარმომადგენლებს უმასპინძლა. ვიზიტის ფარგლებში, სტუმრები გაეცნენ დაწესებულების მისიას, პროგრამებს, სასწავლო პროცესს.. მოინახულეს აუდიტორიები და სახელოსნოები. სასწავლო პროცესთან დაკავშირებით გაესაუბრნენ პროფესიულ მასწავლებლებსა და სტუდენტებს. მისიის წარმომადგენლები დაინტერესდნენ პროფესიული განათლების სისტემითა და სამოქმედო გეგმით. მათ წარმატებები უსურვეს კოლეჯს და გამოთქვეს მზაობა პროფესიული განათლების განვითარების ხელშეწყობის პროცესში. დელეგაციამ დეტალურად განიხილა ის პროექტები, რომელსაც კოლეჯი GIZ-ის დახმარებით ახორციელებს, მათ შორის, "ალუმინის და მეტალო პლასტმასის კარების, ფანჯრების, მზის დამცავი სისტემების მონტაჟის" პროგრამის დამატება და შემუშავება. GIZ განაგრძობს გლდანის პროფესიული მომზადების ცენტრთან ურთიერთთანამშრომლობას პროფესიული განათლების მხარდაჭერის ფარგლებში.

მეტის ნახვა

„გლდანის პროფესიული მომზადების ცენტრი“ განათლების მე-10 საერთაშორისო გამოფენაზე

სსიპ – კოლეჯი „გლდანის პროფესიული მომზადების ცენტრმა“ მონაწილეობა მიიღო უმაღლესი და პროფესიული განათლების მე-10 საერთაშორისო გამოფენაში, რომელშიც მონაწილეობდნენ 70-მდე ადგილობრივი და საერთაშორისო უნივერსიტეტი და პროფესიული სასწავლებლები. ფესტივალი „ექსპო-ჯორჯიაში“ გაიმართა 28-29 თებერვალს. გამოფენაში, საქართველოს საგანმანათლებლო დაწესებულებებთან ერთად, მონაწილეობდნენ გერმანიის, საფრანგეთის, უნგრეთის და სხვა ევროპული ქვეყნების სასწავლებლები. დაინტერესებულ პირებს მიეცა საშუალება მიიღონ ინფორმაცია კოლეჯის საგანმანათლებლო პროგრამებისა და დასაქმების შესაძლებლობების შესახებ. სტუმრებს ჰქონდათ შესაძლებლობა დაემზადებინათ და მოეხატათ ხელნაკეთი ნივთები, ენახათ 3D პრინტერის მუშაობა და გაეცნონ მის სპეციფიკას. სსიპ – კოლეჯ „გლდანის პროფესიული მომზადების ცენტრს“ ორგანიზატორებისგან გადაეცა სერტიფიკატი აქტიური ჩართულობისა და მონაწილეობისათვის.

მეტის ნახვა

BTEC-ის ექსპერტების ვიზიტი კოლეჯში

2020 წლის 16 იანვარს, BTEC-ის ექსპერტები ესტუმრნენ კოლეჯს და გაიცნეს დაწესებულების ინფრასტრუქტურა და პროგრამები, დაათვალიერეს სამკერვალო ლაბორატორია და ფაბლაბი. შეხვედრაზე მათ წარმოადგინეს პრეზენტაცია Pearson Education Limited-ის და BTEC-ის სტანდარტების შესახებ. დისკუსია ჩატარდა საერთაშორისო სტანდარტების, სილაბუსებისა და შეფასების სისტემების გარშემო.

მეტის ნახვა

Erasmus+ პროექტის ფარგლებში შშმ პირთა დასაქმების ფორუმი

2020 წელს Erasmus+ პროექტის ფარგლებში, ახალგაზრდული ასოციაცია ″დრონის″ და საერთაშორისო ორგანიზაციების ინიციატივით, ″თბილისი რუმს ჰოტელში″ შშმ პირთა დასაქმების ფორუმი ″ამოიღეთ შესაძლებლობები″ გაიმართა. ღონისძიებაში 80-მდე შეზღუდული შესაძლებლობის მქონე პირი და დამსაქმებელი ორგანიზაციები მონაწილეობდნენ, სადაც გლდანის კოლეჯის სტუდენტები და ადმინისტრაციის წარმომადგენლები აქტიურად იყვნენ ჩართული.

მეტის ნახვა